2026 թվականի ապրիլի 3-ին Ռոստով-Դոնում ավարտվեց իրավունքի ոլորտի LIII միջազգային ուսանողական գիտագործնական կոնֆերանսը, որը կազմակերպվել էր Հարավային դաշնային համալսարանի իրավաբանական ֆակուլտետի կողմից։ Գիտական զեկույցների պաշտպանության արդյունքներով ՌՀՀ իրավունքի ինստիտուտի 3-րդ կուրսի ուսանող Ալբերտ Բարսեղյանը ցուցաբերեց բարձր պատրաստվածության մակարդակ և արժանացավ II աստիճանի դիպլոմի։

 

Ալբերտ Բարսեղյանը հաջողությամբ հանդես եկավ №6 սեկցիայի շրջանակում՝ «Միջազգային հանրային և միջազգային մասնավոր իրավունքի ինստիտուտների և նորմերի իրավական կարգավորման կատարելագործումը համաշխարհային իրավակարգի առջև ծառացած նոր մարտահրավերների և սպառնալիքների պայմաններում», որը նախագահում էր իրավաբանական գիտությունների դոկտոր, պրոֆեսոր Լ. Ի. Վոլովան։ Նրա հետազոտությունը նվիրված էր արդիական խնդրին՝ Միջազգային քրեական դատարանի իրավազորության կոմպլեմենտարության և պետության ներքին գործերին չմիջամտելու սկզբունքի փոխհարաբերությանը։

 

Կոնֆերանսի կազմակերպիչները հատկապես ընդգծել են գիտական ղեկավարի ներդրումը ուսանողի հաջողության մեջ և ուսանողին մաղթել հետագա նշանակալի ստեղծագործական հաջողություններ։